Cómo por unha ligazón?
Comecemos por algo fácil como é pór unha ligazón. As ligazóns
sérvennos para non ter que molestarnos en escribir por exemplo a
explicación dunha palabra que a xente ao mellor non recoñece e non sabe o
que é. Mediante a ligazón poderemos acceder a outra páxina onde se
explique perfectamente a palabra da que descoñecemos o significado. Máis
tarde podemos voltar á páxina inicial do artigo sabendo xa ó que se
refire con esa palabra e non queda todo como unha chapuza na páxina na
que se está a explicar outra cousa nin temos que repetir, os que
facemos artigos, a información cen veces.
Dito esto, empecemos coa explicación de como se pon:
Isto
é moi sinxelo, o único que precisamos é poñer entre corchetes o nome do
artigo ao que queremos que nos leve que é o mesmo que a palabra que
queremos poñer na páxina. Un exemplo, [[Coristanco]] se queremos que a
partir da palabra Coristanco nos leve a información sobre este lugar.
Pero se queremos poñer unha palabra no texto pero o artigo ao que nos
leva ten outro nome debemos facer o seguinte. Poñemos primeiro entre
corchetes, como antes, o nome do artigo e despois poñemos unha barra á
continuación da cal poñeremos a palabra que queremos que apareza no
artigo. Un exemplo, [[chuvia|chuviosas]]. No artigo aparecerá a palabra
"chuviosas" que mediante unha ligazón nos levará ao artigo co nome de
"chuvia".
Por último dicirvos que pór ligazóns é moi importante.
Aforra traballo para vós e tamén queda moito máis claro para a persoa
que estea a leer o artigo.
Espero que se entendera todo e non
fora de dificil comprensión. Calquera dúbida, preguntade nos comentarios
e vémosnos no seguinte artigo no que explicarei cómo poñer unha
referencia.
Comentarios
Publicar un comentario